Поп-қиролича Мадонна фойдаланмаётган уй-жойидан қутулмоқчи. Архитектор Уоллес Нефф лойиҳаси билан 1926-йилда Беверли-Хиллзда қурилган муҳташам вилласини сотмоқчи! Хонанда "особняк” учун $18 495 000 сўрамоқда. Харидор борми?!
Уйнинг умумий майдони — 6458 кв. фут. 7 та ётоқхона, 8 та ванна хоналарига эга. Яна уйга тегишли майдонда теннис корти, бассейн, бильярд хонаси, мўъжаз боғ ва атиргуллар боғчаси жойлаштирилган!
Янги харидорнинг  қўшнилари танилишда ҳеч ҳам Мадоннадан қолишмайдиган машҳурлар бўлади — Курт Рассел, Голди Хоун, Сильвестр Сталлоне, Мики Рурк, Деми Мур, Роман Полански, Эдди Мерфи, Мик Жаггер, Брюс Уиллис ва бошқалар.
Лос-Анжелесдан "юз ўгириши”га сабаб, 53 яшар хонанда тўртта фарзанди билан кўп вақтини Нью-Йоркда ўтказмоқда. Айни пайтда Мадонна Манхэттеннинг юқори Ист-Сайдида $32,5 млн.га харид қилган ҳашаматли уйида истиқомат қилади. 2011-йилда хонанда Италияда 2 қаватли пентхаус соҳибасига ҳам айланишга улгурди. Устига-устак, ёзда Мадоннани биронта уйидан топишингиз амримаҳол. Куз охиригача поп-юлдуз янги альбоми M.D.N.A. тарғиботи доирасида дунё бўйлаб гастрол-сафарларида бўлади!
Баракалла, Мадонна! Бекорчидан эл безор. Ёши 60 томон қараб йўл бошлаганига 3 йил бўлган хонанда ғайрати билан ўзича чарчаб қолаётган ёшларга ўрнак бўлишга жуда арзигулик!